بسم الله الرحمن الرحيم
الصلاه والسلام على نبينا محمد وعلى اله الطيبين الطاهرين
السلام عليكم بنات كيف احوالكم ان شاء الله بخير؟
تجربتي مع المقشر السحري the ordinary
اليوم غادي نهضر ليكم على المقشر الاحمر من ذا اورديناري،
هاد المقشير اللي دار ضجه في مواقع التواصل الاجتماعي والمواقع الاخرى،و براف ديال لبنات فيوتوب كيهدرو عليه، المهم بنات انا غنقول ليكم التجربه الشخصيه ديالي مع هاد المقشر.
الصراحه هاد المقشر كيستحق التجربه ماشي غير هضره لا الصراحه زوين وكينقي البشره من اثار الحبوب والتصبغات الخفيفه وكيعطي الوجه اشراقه ونعومه مع المداومه اكيد ماغاديش تستغناي عليه.
انا فالبدايه معجبنيش ماشي ما عجبنيش غير ما لقيت معه حتى نتيجه، اول استعمال لقيت غير شويه ديال اللمعة فوجهي ولكن بقيت كنستعملو كنديرو زوج ديال مرات فالسيمانه حتى وصلت لشي 5 ديال المرات عاد لقيت النتيجه، شفت وجهي صفا ليا من اثار ديال الحبوب وعطا وجهي اشراقه ونعومه وحسيت بلي وجهي انظف من الداخل وحتى المسام الواسعة كايقللهم بزاف المداومه حيت انا 3 شهور هادي باش كنستعملو جوج د المرات في السيمانه كنديرو عشره دقائق على وجهي وما تقربيش للعينين وحوالي الفم حيث ديك المنطقه حساسه والمقشر راه مجهد سي شوية حيت خدموه باحماض الفواكه.
المهم البنات انا كننصح اي بنت عندها مشاكل من اثار ديال الحبوب او التصبغات المسام الواسعه او عدم الاشراقه تستعمله واكيد غا ترضى بالنتائج، ولكن ماخصكش تخرجي بلا مديري واقي ديال شمس.
وبالتوفيق ان شاء الله.
مكونات المقشر ذا اورديناري...
حمض الجليكوليك ، (ماء) ، أرجينين ، بروبانيديول ، كوكاميدوبروبيل ديميثيلامين ، ثلاثي إيثانول أمين ، حمض الساليسيليك ، أمينومثيل بروبانول ، حمض اللاكتيك ، حمض الطرطريك ، حمض الستريك ، بانثينول ، صوديوم هيالورونات كروسبوليمر ، تسمانيا ليفاكولت ساتوراتا جليسرين ، بنتيلين جلايكول ، بوليسوربات 20 ، ديسوكينات إيثيلين ديامين ثنائي الصوديوم ، إيثيل هكسيل جليسرين ، 1،2-هيكسانيديول ، كابريليل جلايكول.
👍
ردحذف😊
ردحذف